वादळाची शाल करुनी
अन तृषेची ढाल करुनी
कंटकांच्या गालिच्यावर
पाउले पडती
झेलला अंधार आहे
वादळाचा वार आहे
हासण्याने परी तयांच्या
दाहही कुढती
शौर्य ज्यांचा धर्म आहे
त्याग ज्यांचे कर्म आहे
मातृभूमिस्तव जयांची
मृत्यूवर प्रीती
अश्रू अलंकार ज्यांचा
घर्म हा शृंगार ज्यांचा
तेच पोलादी गडी हे
विश्व रे जपती
कोटी कोटी प्रणाम त्यांना
शत शत सन्मान त्यांना
मातृभिमिस्तव जयांनी
दिधली आहुती...
अदिती
