भिजलेली पाउलवाट
अन् भिजलेला किनारा
भिजवीती आज नयनांना
विरहाच्या अश्रूधारा..
मन तुझ्यात रे घुटमळते
सतविती तुझे ते भास
तू कधीतरी येशील रे
लागली जिवाला आस
स्मरती त्या लाघव भेटी
तो तुझा स्पर्श अलवार
स्मरती त्या शपथा स्वप्ने
प्रेमाची अमृतधार..!
रे आज तरी तू यावे
अन् माझे नयन पुसावे
तव मिठीत घेऊन मजला
प्रेमाच्या गावा न्यावे
निःशब्द भावना माझ्या
तुजला सार्या उमगाव्या
विरहाचे अभ्र गळावे
अन् प्रेमसुधा बरसाव्या...
अदिती जोशी
No comments:
Post a Comment